Danseverkstaden er eit positivt fritidstilbod som gjer mange unge trua på seg sjølv. Ungdomane tar ansvar for elevar og drifta, og har blitt einige om mottoet “Ein plass for alle”, som inviterer alle til å delta. Dette gjer danseverkstaden til eit sosialt likestillande tiltak for barn og ungdom.

Ungdom fungerer som rolle-modellar, og dette vert vektlagt i opplæringa. I tillegg til å instruere elevar driftar dei verkstaden på frivillig basis og får verdifull kompetanse innan dans og drift av fritidstilbod. Inntekta til verkstadane går uavkorta tilbake til ungdomane i form av vidare kvalifisering, prosjekt og opplevelsar.
Aktiviteten i danseverkstaden tiltrekker seg ofte ungdom som ikkje deltek i andre organiserte aktivitetar.

Måtar å forankre danseverkstaden på:

1. I kommunar: Samarbeid med lokale myndigheiter for å utvikle danseverkstaden som ein integrert del av kommunens kulturtilbod. Dette kan være kulturskular, fritidsklubbar, folkehelsearbeidarar, miljøarbeidarar osv.

2. I foreldrestyre og ungdomsstyre: Etablering av eit styre beståande av både foreldre og ungdomar som representerer interessene til deltakarane. Dette styret kan være med på å planlegge årshjul og alle aktivitetar, gje innspel til programmet og sikre at verkstaden er tilpassa ungdommens behov og ein sikker plass å være.

3. I lag og organisasjonar: Samarbeide med lokale kultur- og idrettslag samt organisasjonar som fremjar ungdomsarbeid. Desse samarbeida kan bidra til resurs - deling på/under felles arrangement.